JETSUAMREI
Hiwa Thiambute (Booklet) hi aming “JETSUAMREI” tia kaphua kiwarisuak hi keijak kajetjui tia kiwarisuak changma. A-omluiko omlaimak, hanna kanchonga a-om pumma mi chong kantânghi, anuk athang-nga naipang rualla wamangtheng nati tijârra kejet salep kiwa risuak ani. Adikmakna, akansuksial lei omthei ani. Ajet ngain nawajeek tûnperu chubei.
S. Sangkai Aimol
mahôkna chongbong
Hiwa thiambute aming “Jetsuamrei” tia Pu S. Sangkai Aimol ning lungrilthûk ngaidon neijârra ranakle aphât manmang hi ite kannarlui-a, alui-omsa Aimol chonglui chongkûng atok-a; jâtdang phunglian mitamngai chong jômnaning nikhat-nikhat ihongpholom hi jet-a Aimol kanchonghi tûnna Aimol miriamngai ankhat-om tu-le-te ngai lungmit longpenarang Angui Chungnga Awom a-ija ikeisuahi chongnga ri-a risuak manchimtorluirangduk manpâkna alian.
Weikhatrêt, ama sinthona chungnga abômde Mr. Aboi Lunglai le Mr. Isaac Lunglai, u-changai chung-om lungril thiangnga pa Pathian mingnga manpâkna ani. Anmit wârnale ankut theina ranak han, i-thangsuakna irakip anthope jârra Pathian anphut loman an-insûngning tumrase-u.
Chuansat thohin sôl-kanmamarei… Gal. 6:9
SL Warte Aimol
Headmaster P/School,
Cum Former Chairman, ALSOM